fcitx輸入法骨架斟酌試

頂一遍裝fcitx-im才會當用台灣輸入法，佇gtk方面就有二个套件，分別是第2版佮第3版。若將第2版刣掉，足濟程式無法度切換輸入法了-chromium,term等等。若是刣掉第3版，換做文字編輯器gedit,bluefish戰死了。按呢講起來是程式開發的時所用的程式庫版本無仝造成的，毌知按呢臆著毌著?
猶閣有一个是fcitx-qt4，照這个推斷若是用qt4程式庫開發的程式，欲用台灣輸入法是毌是一定愛有fcitx-qt4的存在呢?向望按呢臆是著的。

ARCHLINUX裝輸入法骨架fcitx

用ibus骨架加加減減攏有一寡問題，有當時仔是掠袂著倉頡輸入法，愛將鳥鼠徒開了後閣徒入去拍字輸入區才會當掠著倉頡輸入法，注音嘛相仝。
試用fcitx看覓，先裝fcitx-im，會裝4个套件。了後加入fcitx-chewing佮fcitx-table-extra就會當用倉頡佮台灣注音了。目前看來是猶袂䆀，但是愛試一站才會當了解是毌是會出㺺新問題無?