line pay支付進度記錄

逐家攏知影網路買物件會當有足濟種支付方式，上方便的是提貨才納錢。但是美中不足的是愛用現金，遮講的現金是紙票佮銀角仔，毌是現代社會銀行所講的現金喔！用現金是你若無紮零星錢，有愛找錢的問題，效率無好。前一站看著網路購物頁面有line pay會當使用，特別去提貨的時問店員，伊回答愛閣過一站仔才有法度用，彼時陣我知叫提貨付錢的時用line pay，結果毌是。今仔日去博客來買冊，佇頁面選付款方式就愛直接付了，確實方便。

線性轉換符號辯正-黃子嘉研究所用冊

人的第一印象真重要，通常會受真深的影響。線代看了20幾本英文冊，無一本寫了真好。黃子嘉這本算袂䆀矣！但是美中不足，咱用這一个網路經驗共補起來。
這二个符號意義你佮意佗一種？

黃子嘉的冊用的是第2種，無蓋自然。廖亦德的文章用的是第1種，合數學頂懸下跤會當互約刣掉嘛較好記，無違反座標的定義。