時事詩一首--毋通予台灣沉落去

今年總統大選民粹當道，無用頭殻的言論四界攏是。加上新聞真真假假摻作伙，逼老百姓開始清醒動頭殻，思考候選人的言論是毋是有實現的可能性。莫講人的歹話，只是描寫報紙報過的事實爾爾。

這對翁某

鳳去雞來撩韓導  屁眼看人幾根毛

思緒喙言皆性事  性平教育喜肛交

國瑜寐會金蓮笑  佳芬大郎夜難熬

譬喻不倫人神憤  凡夫俗子頭齊搖

line pay支付進度記錄

逐家攏知影網路買物件會當有足濟種支付方式，上方便的是提貨才納錢。但是美中不足的是愛用現金，遮講的現金是紙票佮銀角仔，毌是現代社會銀行所講的現金喔！用現金是你若無紮零星錢，有愛找錢的問題，效率無好。前一站看著網路購物頁面有line pay會當使用，特別去提貨的時問店員，伊回答愛閣過一站仔才有法度用，彼時陣我知叫提貨付錢的時用line pay，結果毌是。今仔日去博客來買冊，佇頁面選付款方式就愛直接付了，確實方便。

線性轉換符號辯正-黃子嘉研究所用冊

人的第一印象真重要，通常會受真深的影響。線代看了20幾本英文冊，無一本寫了真好。黃子嘉這本算袂䆀矣！但是美中不足，咱用這一个網路經驗共補起來。
這二个符號意義你佮意佗一種？

黃子嘉的冊用的是第2種，無蓋自然。廖亦德的文章用的是第1種，合數學頂懸下跤會當互約刣掉嘛較好記，無違反座標的定義。

Promise 是 javascript 的保證

保證佇程式語言來講有3種可能性，一是成功、二是拒絕、三是等待。呼叫的時愛傳2个參數予Promise物件。執行的時呼叫了後嘛是閣傳回Promise，所以會當連紲呼叫。所用的方法是then()，誠實是無好了解的語法。參數是內定的，無需要先規定，一般拄學的人會霧煞煞。

var promise = new Promise( function(resolve, reject) {

   if (...) resolve(message);

   else reject(new Error(...));

} );

then()接收參數是value是resolve或者reject傳回的結果，用value來接爾爾。then(function(value) {...}, function() { .} )

2份function，因為分別是resolve佮reject的處理函數。

到底Promise的目的是啥乜？簡單講就是非同步延時變做同步來用啦！

3D列印手機架--足久無做手繪圖了

這張原圖是手機仔架3D列印設計圖，適用大約是6吋以下的手機使用。因為干焦囥手機功能傷少，所以後壁加上照面小鏡的功能。

Linux Wayland好親像會當用囉

前一站，ubuntu放棄家己開發的Mir Server，改轉來用Wayland。毋過，下一个版本又閣改轉去X server了。這幾工，我試用weston，完全無予gnome佮kde等等縛牢咧。若欲執行x client程式，愛啟用xwayland接縛wayland server。結果佇weston的參數內面就會當簡單啟用(weston --xwayland)，就是遮爾簡單。
欲知影目前環境是毋是wayland，有無法度啟動xeyes就是矣！因為xeyes是X client。紲落來欲了解是毋是xwayland環境，或者是古早的X環境真簡單，看xeyes彼二粒目睭就知影。老鼠徒振動的時，目睭袂停就是X，有當時啊會動有當時啊會停就是xwayland。你問為啥乜？我按呢回答：wayland client的訊號袂傳去予xeyes，因為xwayland嘛只是一个wayland client，那有client閣傳予client的道理呢？
上尾一項是app到底是X client或者wayland client，嘛是看鳥鼠目睭會振動無?會動的是X client，袂動的是wayland client。

ubuntu server 18.04的固定 ip地址設定法改了

以早攏佇/etc/network/interfaces內面設，這馬改做佇/etc/netplan/50-cloud-init.yaml內面設定。詳細情形佇下跤。

network:

   ethernets:

     enp0s31f6: 

        addresses: [192.168.0.253/24]

        gateway4: 192.168.0.1

        nameservers:

           addresses: [168.95.1.1, 8.8.8.8]

        optional: true

   version: 2

按呢看起來精差無若濟嘛！

網路簽約案例--親筆簽名流程

      正月25暗時我佇新店捷運站駛車共人㧎著。警察有來現場處理，無開罰單嘛無量圖，了後通報保險公司就結束了。隔轉工去辦出險而且通知對方，這時陣對方line朋友自動走出來，伊傳來估價單愛萬五箍。可能對方驚出險理賠傷慢閣了時間精神，萬五箍嘛攏予原廠公司，主動講欲一千箍和解，而且講line截圖有法律效果。我隨答應閣製作和解書印出來親手簽名，翕相了用camscanner做成圖片傳過，請對方印出來親手簽名好，翕相傳過來就OK了。到遮隨匯款過去程序就完成了。對方貼心去郵便寄正本過來，台灣上媠的是人情味啦！和解書內底加上這條："雙方同意用line通訊軟體做為意思表達及文件來往媒介"。