2025年11月26日 星期三

 IEEE754浮點數規格再理解

浮點運算愛會當預測:意思是無論用啥物硬體軟體來做運算,結果攏愛相仝。1985進前就是各廠有家己的方式-(標準),造成無法度預測。閣包括NaN、$\pm\infty$、-0等等。 

指數11位無正負之分,為啥物?因為用偏移值$e-1023$。也就是講 $e$若是0,本身就是$2^{-1023}$囉。 

毋著,是$2^{-1022}$才著,因為規定subnormalized是欲偎上小的正數$1.f*2^{1-1023}$,指數$e$ 若是0,因為無引導的1,所以上大的subnormalized值愛偎上細的normalized值,當然愛規定做-1022次方。這毋是錯誤,嘛毋是bug,欲予小數袂突然變做0。

mantissa 就是有效數,這馬叫做significand。


2024年9月1日 星期日

javascript prototype chain

Function 是基本類,綴遐開始生出 Func(),繼來生出 func,這已經是物件了。Function.prototype等於是Function.__proto__,型態是function。生出來的Func()的prototype其實就是物件型態 object。Function.prototype內定是{ } function,而且無法度修改。Func.prototype是程式設計主要目的,欲修改的所在。Func.__proto__是指向來源,作用會使改。Function.__proto__內定是空 function { },內面的 .__proto__ 指向 null prototype,閣下一層才是null,攏總下跳 3 層才到 null。Object.__proto__ 等於是 Function.prototype,嘛是function 型態,所以Object.prototype 是 Function.prototype 生出來吔是物件而且無法度修改,相仝跳 3 層才到 null。Object.constructor === Function ,答案是 true ,有 .constructor 才會使用 new 產生後代,佇Object 有用 new 或者無根本無差。

2024年3月17日 星期日

C^2 複數2維向量映射巴拿赫球面

 巴拿赫球面是將2x1維度複數行向量映射到半徑為1的過程方法,條件是二個複數的長度平方和等於1,之所以加這條件是球是三維空間自由度,二個複數有4個自由度,有了這條件等於減掉一個自由度,這樣就有機會找出一對一的關係,也確實如此。量子電腦程式設計課的量子態由這樣的矩陣來代表,老師的教學過程跳過這一步,直接將結果做驗證,當然全部符合,學生學到的只是熟悉計算過程,對於量子態為什麼對應到球面特殊點仍是一頭霧水。找了許久,補充說明:

先將二個複數係數訂為a1, a2, b1, b2,即 a = a1 + a2*i , b = b1 + b2*i 。因上述條件,<a,a> + <b,b> = 1,且球座標用r, theta, phi 做變數,r 又是1 ,所以剩二個角度完全決定座標點坐落何方。其餘過程大學座標對應過程你會的。引入theta,配合尤拉公式,cos(theta) + i * sin(theta),將 a 長度對應至z,b對應至xy平面的投影。自然b的實部應至x,虛部對應至y,這樣就會是半球和複數2x1維的易理解的對應。但是有一缺憾,就是赤道所有點都代表同一個複數基態 |1>,這缺憾是數學物理學家無法容忍的,於是想出了將半球帳篷繼續下拉變圓球,那麼赤道又漸漸縮小到南廻歸線最終大家匯集至南極,這時又縮回一點了,成為完美對應。

2023年12月26日 星期二

編譯器是軟體工程上核心的科目

 以早對編譯器的理解伊是真深的軟體技術,講是技術是無了解這門課的重要性,應該講是軟體的核心才著。知影編譯有 2 階段,第 1 階段是語法分析起語法樹,第 2 階段語意分析看電腦聽有伊的意思無。彼時陣毋知attribute grammar,修了這門課才知影屬性文法會使嵌入cfg 規則內面,佮語法分析作伙做產生基本語意。進一步的語意無法度對bison 產生出來,也就是干焦走一遍樹仔無法度處理就著。因為編譯器是產生程式碼,所以佇程式碼執行的時才提著的資料是無法度佇編譯第二階段創掉吔,一定愛佇第二階段產生的程式碼,算好路踅斡,執行的時才會照起工。斟酌講就是無法度第二階段產生程式碼閣將結果囥入去樹仔內面,因為程式碼愛執行才提著資料嘛。所以難就難佇遮,前後的邏輯關係拂袂清楚就永遠無法度突破。好課程就是有辦法予你理解關鍵點,若像水道水仝款,水道頭愛有拍開,水才有法度一關過一關到需要的所在。這馬AI真夯,其實電腦運作是deterministic,只是資料量太大,連人都無法度全面理解可能結果,變作AI是烏箱的感覺,人無法度完全控制就是按呢來吔!

2023年6月17日 星期六

小小web app竟然layout佇windows出問題

 這个小程式 https://sindailo.tw/p/bppm.html 佇 windows 系統有小可問題,載入ㄅㄆㄇ注音符號的時,這字“一”竟然轉90度,但是佇macos, linux, 以及手機攏無問題。佇 edge 瀏覽器嘛相仝轉90度,所以毋是瀏覽器的問題,確定是作業系統的問題。



2023年4月19日 星期三

javascript 確實無啥好了解

 深入javascript的設計系統,發現伊進步誠緊,ES6出來了後 module 就有namespace 分割scope 真清楚囉。export 命令試了結果是干焦會使佇上外口層用,入去第 2 層就袂通過。Function 佮 object 無蓋好分,用Function()定義的變數是 'function',生出來的函數,伊的型態是 'object',有怪奇無?NaN嘛是一粒頭兩粒大,字面的意思是毋是數字,但是真正的意義是無法度表示的數字,親像0/0就傳回true。佇ES6加入Number.isNaN這个函式,予伊明確定佇數字方面較袂膏膏纒。2020 的規範增加 globalThis ,予迒平台的 javascript 有閣較好的相合性。其他猶有足濟的新功能加入等等,予這个語言一直咧進步呢。

2023年1月30日 星期一

javascript 功能大進步

 有一站無去了解javascript 的發展情形了,最近想講前端web設計已經是主流囉,react, vue 誠"夯",應該清楚in的現況如何才著。ecma script引入module 概念,取消 this 指向global scope,這个module本身的scope 叫做 module scope。無仝的 module 田無溝水無流,但是有開放出口 export ,有輸出吔才會當予別个scope提去用。若誠實欲提會著global variable,愛用globalThis.prop才會OK。而且而且...變數宣告分做幾落種,top level 變數干焦2種有註冊佇globalThis的property內面,就是var、function,其他let, const, class攏無喔。遮仔無吔變數用globalThis照常提袂著喔!將scope排列出來:top level, module, function, block ,詳細互相影響的情形值得咱研究。

2022年10月23日 星期日

隨機出現token小程式

 以早有寫過點名程式,是android的apk app。功能小無必要予使用者裝佇手機,而且夯iOS的人真濟,按呢做總是無蓋好。web app技術出名甲紅吱吱,若是小程式用javascript html寫就有夠囉。程式其實只是隨機出現token啦,若讀入檔案,檔案必需是文字檔。格式是一列算一个token,空白逝毋免算。手機操作的話,愛先將檔案囥佇手機檔案系統讀會著的所在。若無欲讀入檔案,選內定數字或者改數字增加入去menu,才閣選著的時揤手機的enter就OK,縮小字點一下,放大快點2下,按呢說明應該有夠清楚矣。本小程式免網路會當佇桌機筆電運作,只要將html存佇桌機筆電就OK。手機因為無法度對系統讀檔案,所以目前有困難。但是有另外一个browser可以,無試過嘛無普遍,煞去矣。

程式就囥佇 https://sindailo.tw/randomtext.html 無任何版權,請自由播送予需要的人。



2022年10月3日 星期一

感謝藍白營替咱復習3冬防疫歷史

"台北是疫情開始",這句話已經袂使講囉。人上無愛予人貼歹的標籤,所以你若是台北人,一定想著就氣。起點是武漢,是世界公認,中國勢力大,有法度予世界衛生組織莫叫武漢肺炎。咱煞叫日本腦炎、德國麻疹叫甲誠自然。藍白營(敖力--gâu)用二分法,毋是敵人就是同志,將別人的話刣頭切尾,就賰(chun)仇恨。看世界防疫,台灣協助各國喙罨足濟人袂記去矣。咱買疫苗予中國擋連德國官員都看袂過,所以才有民主日本美國送咱疫苗,彼時陣猶有人講彼是欲過期矣的反日言論。世界欲開國門拼經濟,只賰中國猶咧清零管制,毋夠嘛咧欲擋袂牢矣。真大的可能是明年中國大爆發,來到小可正常的政治思維。

2022年9月25日 星期日

新台羅網站徒去digitalocean囉

 新台羅網站sindailo.tw本來攏囥佇厝內,用吔是hinet的固定ip配合domain name。三不五時停電或者主機重灌,總是會有服務不週的所在。這个網站應該是拼音學習上簡單吔,配合英語佮日語,毋免另外轉踅頭殻--明明是 d 音,煞愛注作 t 。另外安全性要求愈來愈懸,用Let's Encrypt 的安全憑證來保護嘛是一个方法。主機ip是159.89.231.150,相關資訊是根配合xxxxxisKxxx。


2022年8月7日 星期日

轉去鳥嶼行行咧

 做兵了後轉去澎湖教冊的時,拄好鳥嶼欲成立國中。校長第一个想著吔就是我這个菜鳥上好教閣聽話,就派我去做分部主任。佇遐國小老師攏有宿舍通蹛,國中老師2个,其中一个查某吔嘛是借國小宿舍蹛。我蹛佇衛生室吳采蘋護士的厝,伊無共我收厝稅。3冬外前就想欲轉去看看咧,看有啥乜變化?街頭巷尾行3逝我已經揣無厝頭家的厝矣,敲line電話予厝頭家後生鄭學豪,伊竟然嘛拄好對高雄轉去鳥嶼看媽媽,經由伊順利揣著厝頭家。進前揣鳥嶼國中,位置錯誤指向山頂,雖然鳥嶼無山。順紲提出修改要求予google,將地址白沙鄉1號加上鳥嶼村變做白沙鄉鳥嶼村1號,竟然馬上通過。真感謝google,予咱社會愈開放方便逐家。這張是搜尋的半結果,就是成功改變位置但是猶未完全反應佇畫面的情形。紅點是本來搜尋的位置,紅字鳥字下跤是咧欲改變過來的所在。




下跤這張是完成改變的搜尋結果


2022年7月27日 星期三

ANTLR 第4版 的新功能

 編譯器上長歲壽的應該是 antlr 吧,自伊出版到這馬已經第4版了。而且第4版本身嘛咧欲十冬了。網路上揣著的資料真大部份猶是第3版,欲測試閣特別掠第3版jar檔案。第4版上重要吔是伊開始支援倒手爿遞廻,倒手爿遞廻是LL(k)上大的禁忌。伊會拍破這條規則,表示編譯知識愈來愈普及囉。欲自定編譯功能佮規


則,有2个模式會使用。分別是walker佮visitor。walker徛基佇listener,每一條ruleNode規則配合2个呼叫函式:enterRule、exitRule,家己寫的程式碼Walker只要繼承ProgBaseListener,而且寫好這2條函式程式碼,一切就OK了。visitor較麻煩,愛先落標簽,用#符號𤆬頭。然後愛閣寫真濟的函式佮Context觀念配合,算起來已經是專業程度才會曉。

2022年5月12日 星期四

予你驚死我上爽

台灣神童柯文哲講咱上濟一工50萬人確診,毋知伊的根據是啥乜?香港足濟所在佮台灣相仝,攏講漢語用正體字。衛生條件佮咱嘛差無濟。人口7百外萬比北北基桃減一寡,in上濟的時7工平均是6萬5千外人。照人口比例3倍來看,咱北部以外人口密度較小,所以傳染率應該袂到3倍,也就是台灣一工上濟7工平均是13萬左右。但是香港無啥庄跤,疫情真緊就降落來,咱國疫情曲線無香港的崎,範勢免到2倍13萬就到天頂矣,但是疫情嚴重時間顛倒會較久。有好有䆀,好處是醫療量能會堪俐。䆀的恁攏知影囉。這是個人看法,莫當作真吔。

2022年2月1日 星期二

直寫橫寫綜合上好例


一般直寫是對正爿開始向倒爿行,但是若拄著2種攏需要的時,猶原正爿開頭看起來就怪怪囉。這時陣愛改做佮橫寫相仝才會合目睭視線,看這个mesi就知影了。



 

2021年9月13日 星期一

國民黨支票本票大戰

 國民黨主席競爭真好,但是目前內部的支票本票事件予人捎攏無。柱仔姐講阿中兄講白賊,阿中兄講代表伊募款能力有夠,本票只是證明爾爾。代誌的詳細一般人無咧管,但是為啥乜明明有"遐疵"的本票,是按怎無人質疑伊的有效性呢?按怎講,明明票面印的金額單位是新台票,劃掉手寫改作美金,請問按呢的票據法律上有效嗎?咱去銀行添提款單添毋著去,攏愛提新單重添矣,何況是改掉內定字?若當時黨中央認定有效,代表in的常識太低咧。若是私底下約束,滾耍笑的成份較濟吧!無論佗一種,攏予咱啉茶飯後有邏輯話題通講,袂䆀。

2021年5月21日 星期五

防疫實聯衝衝衝 事件始末

訊息傳遞快速的時代,更應該查證


5月17日左右,全國人民得知政府即將推出全國通用實聯制掃碼系統

5月19日:因老婆傳來連結,以為官方版本,就加入防疫實聯衝衝衝

5月19日:收到群組內成員通知非官方版本,也覺得有些怪怪的,上網稍微了解一下。

5月19日:提醒所有群組留意防疫實聯衝衝衝,待查證。

===================================

以下為搜尋網路相關報導:


5月12日:防疫實聯衝衝衝的logo本日才取得,開發者為@339jbixn。

5月13日:聯合新聞 https://udn.com/news/story/7934/5455372

    發佈防疫實聯衝衝衝

5月15日:Cofacts 真的假的 https://cofacts.tw/reply/VanRbnkB9w1KR1IkCKYS

    向知惠科技查證確實該公司有開發該款line app

5月16日:瘋先生 https://mrmad.com.tw/real-name-system-app#Kaohsiung

    報導全國各縣市實聯制情形

5月16日:中央通訊社 https://www.cna.com.tw/news/ahel/202105160222.aspx

    報導高雄市即將整合中央全國通用實聯制


5月19日:本人加入防疫實聯衝衝衝,此時成員約120萬。

5月19日:收到群組內成員通知非官方版本

5月19日:提醒所有群組留意防疫實聯衝衝衝,待查證。

5月20日:零晨時成員約240萬

5月20日:疾管局全國通用版上午公家機關,下午民間商家申請使用。


5月21日:撰寫本篇鋪文,成員約300萬。

======================================

事件成因結果分析:

    1。 推出時間太相近,就在政府發佈通用版本之前的3、4天前而已。

    2。 緊急時刻又是群組好友傳的會相信,這是人性。

    大部份人對此事件時間序為5月17日開始,16日以前的報導因為非全國性新聞,鮮有

    人詳細了解來龍去脈。故本事件是時間差的關係造成的誤會,有人誤以為打著政府名義

    詐騙個資,而公司可能說好心沒好報。

    該公司已成立10餘年,接案許多政府相關軟體委託開發。