這幾冬來報稅看自由軟體悲哀

報稅一向是自由軟體支援者的疼，到這馬猶無法度用linux系統來報。最近手機平板電腦使用者誠濟，財政部嘛有出手機版試算軟體佮報稅軟體。掠來試看覓是毌是好用，查詢資格佮報煞是會用咧，但是欲掠家己的資料就有問題了。因為伊愛配合中華電信的藍牙讀卡機，網路市面上買無。另外報稅軟體是會當掠落來，但是煞無法度裝。試過LG G2佮sony xperia 3這二支攏相仝，毌知財政部有建議會當安裝的機型無?或者是囥好看安慰老百姓用吔?最後也是乖乖去揣window系統報了，厭氣啦～～！！