內地林場--百年惠蓀實驗林場

台灣唯一無偎海的縣市是南投縣，埔里嘛是咱的國土中心。所以幾年前一寡少年人為著欲拍出南投的名號，佇遐辦音樂會的時，海報大大寫著內地音樂會，所以我就提內地做標題用。下跤這首華文詩描寫伊的大概狀況。惠蓀林場以早叫做能高林場，因為中興大學湯惠蓀校長的關係才改做惠蓀這个名。欲去會經過國姓二一省道的一部份，閣斡入去縣道投80，照縣道一直駛就到了。柑(竹敢)仔店到底愛用佗一字網路有真濟討論，揣一下連咱國家駐日大使謝長廷的面冊嘛有講著喔！

內地林場

二一省道越國姓  惠蓀蜿蜒投八零

能高林場更名日  興大立碑湯公亭

柑仔店旁草原青  藍鵲現踪山嵐徑

涉水石梯聲潺潺 遠眺必登杜鵑嶺