JSON-RPC curl 使用簡單記錄

本國出版的ethereum專冊，紹介乙太坊的使用佮程式設計，一般來講內容袂䆀。但是佇rpc方面就毌是蓋好，攏無說明參數格式，干焦有案例。這予使用者捎攏無，愛佇網路頂懸揣來揣去了足濟時間。下跤是簡單記錄，以免袂記去。

curl -d  '{"jsonrpc":"2.0", "method":"eth_call","params":[{}],"id":1}' ....

其中上重要的是呼叫eth_call函數，參數的格式才是重點。伊是所有知識的根本，因為軟體格式是人定吔，了解其中原故才會久長。params內面有一項是data，愛用16進位格式。而且0x後壁袂使接0，紲來是函數的web3.sha3的8位數簽名。若函數有2个參數，愛接 64位的值2擺，例：(9, 10)-- 00.....900...A，對0到A攏總128位數喔！